話咁快又一星期。無update的原因係股票世界在回復（狂升）中，一天一天幾個%咁升返。但係好奇怪，跌個陣會日日跌得好貼（所以零晨00:00後的自由時間不停睇財經高手的blog，英、美股報價等，及至02:00加上自己的想法寫在此blog中。搞到每日返工都做合眼瞓...）
和最近數次的大跌後抽升差不多，見過底就唔想花多5-10%買，結果見到股價比起個底升左15%時，就同自己講跌5%返去110%就買，但係股價係唔會返轉頭ge，只會見到120%,130%一個一個在升穿，亦即係自己（短期）買入的利潤會越黎越少，（短期）風險越來越大，也就放棄了（長期）的優質資產了。
上星期計錯數的事件：
匯豐市價$38, 供股$28
渣打市價$73, 股息$3.4
背境：手頭上的資金有限，要借／調度資金要時間
計算：我的計算是買入渣打以股代息，換股價$73，一手就有2股多出黎
錯誤：換股價以派息日之前的參考點的股價為準，大概會係五月，既然我想佢升到事就唔係$73蚊一股，可換股數比計算要少
可以改進的地方：買入匯豐後供股的錢是不用立即俾的，起碼要等供股權settle好之後先俾，變相有多一個月俾我儲錢買匯豐，應該諗下。
心理因素：俾萬六蚊加五千蚊參與一場幾十年難得一見的世紀供股，光是之後同人講都回味。
宏利做乜唔搆淡？
如果係$60蚊買多一手宏利，咁同$90蚊個手打個平均就係$75，今日已經回本了。不過有時睇你第一注係幾多點買，如果好似cxxx咁$130買$90溝的話，已是很傷的。那問題就變成你對某隻股票的first sight（被文章／blog的分析／推介而心動）的時機問題，除非對自己熟悉的股票都有自己的估價，否則是不能有良好的即時心理／行動反應的。
賀狼人財經漫畫重開！
網龍沒有像安踏一樣有好成績，業績期前應多做功課...
