要學市場先生般做長線投資，長期持股而不賣的話，把股票提成實貨不失為一個辦法。此舉一來增加賣出股票的能障(Energy Barrier)，即係令你覺得好多手續好煩而沒有動力去賣，二來不用長期被銀行或證券行收取或多或少的費用如存倉費，代收股息費，甚至代理供股費等。
此外個人覺得在綠色運動的推進下，證券無紙化是必然的事（試想像零錢也快被十三歲的八達通"無金化"了），過多幾年實物股票將會是上一個年代的見證品，甚有歷史的保存價值，可以留給兒孫看。
現在提實貨我都是用致富證券的，因為買賣佣金$50而已（網上更低至$38)，提實貨每手$5，無取低收費，手續費比銀行動輒$100佣金低很多。最近的例子：
我兩日前買了一手(1000股)建行@6.01
股票價值 $6010
佣金 0.125% $50*
印花稅 0.1% $7
投資者賠償徵費 0（括免中） $0
交易徵費 0.004% $0.24
聯交所交易費 0.005% $0.30
結算所費 0.004% $5*
提取實物股票費 $5/手 $5
*最低收費
額外收費一共：$70.24(佔股票價值1.17%)
今日(T+2)係交收日，打個電話去致富講清楚要提取哪一隻股票，提幾手，個經紀話3-4個工作天後就有得攞，即係全個過程5-6個工作天。
致富重有樣好係佢地開星期六嫁！一眾打工仔都可以親身去開戶或拿取實物股票。大圍分行平日就開9-6，星期六10-1。
不過拎左實物股票後要儘快拎去過戶處做轉名手續！因為你提出黎張股票無名既（正確來說係重係中央注冊的名義），而且做好哂賣買經紀蓋印同印花稅，即係處於可以轉名俾任何人的狀態。如果阿豬阿狗有心無意執到你提取出來的實物股票，又識得攞去過戶處轉名，咁張股票就變左係佢架喇！
下星期實物股票到了再講下一步點做吧
